အမောင်စစ်သား

(26 April 15)




-----------------------------------------------------------------------

အမောင်စစ်သား
----------------------------
-- ငယ်ကကြင်မြတ်
မိသတ်မှတ်ကို
ဘာများမှာကြားလိုသနည်း။

--ငယ်ကကြင်မြတ်
မိသက်မှတ်ကို
မွေးလာရင်သွေး
ချစ်သားလေးအား
ငါလို မဖြစ်စေရန်
ဂရုစိုက်ပါ၍ မွေးပါလေ။

--အမောင်စစ်သား
မွေးသည့်မိခင်
မွေးဖခင်ကို
ဘာများ မှာကြားလိုသနည်း။

--သားမောင်ရေလိုက်လွဲ၍
ခွင့်လွှတ်ပေးရန် ပြောပါလေ။

--အမောင်စစ်သား
တိုင်းပြည်အားကို
ဘာများမှာကြားလိုသနည်း။

ု--ပြည်သူ ့ချဉ်ဖတ်
အန်ဖတ် ဘဝမှ
မြန်ုမြန်လွတ်၍
ဝမ်းမြောက်မိကြောင်းပြောပါလေ။

Moe Aung
(ဆရာသာရှိရင် ဒီလိုပြောင်းရေးလိမ့်မယ် ထင်ပါတယ်။သိပ်ကောင်းတဲ့ ကဗျာလေးကို ဖျက်ဆီးမိသလို ဖြစ်သွားတယ် ဆရာ) +++



-----------------------------------------------------------------------

"မြန်မာပြည် တွင်လုပ်သည်"
----------------------------
(၁)
"ဘာ" ...
ရာဇဝင် ရိုင်းတယ် ...ဟုတ်လား
မဟုတ်မတရား
ဒုတ်၊ ဓါး နဲ ့
အယုတ်သမား ..လုပ်စား
အရှုတ်အပွား "မင်း" တွေနဲ ့
တရုပ်ဖားရင်း ကြီးပြင်းလာတဲ့
မြန်မာပြည်တွင်း က ဇာတ်ကြောင်း.......။

(၂)
"ဘာ".....
. "ဘာသာ တရား" ... ဟုတ်လား......
ဒါများ စကား ထဲထဲ့ မပြောနဲ ့
"ဘုရား" နဲ ့တွဲ ရိုက်ထားတဲ့ ဓါတ်ပုံတွေ ကိုကြည့်
ကျုပ်တို ့ကို "ဘယ်ဘုရား" မဆိုအကုန်သိတယ်
အချို ့ဘုရားတွေ စားပေါက်ကိုလာပိတ်နေလို
ဘူဒိုဇာ ကားနဲ ့နှုတ်ပိတ်လိုက်ဖူးတယ် ......။

(၃)
"ဘာ"...
"အမျိုးသားရေး" ..... ဟုတ်လား.....
"သူခိုးများမွေး" လို ့လုပ်စား နေတာ ကြာပြီမို ့
ခါတော်မီ သည်ပွဲလေးတွေ မှာ
ညီညာစွာ လက်အုပ်ချီ ခိုင်းလိုက်
"မိုက်သကွာ" ... ဒါဆို ကြိုက်ပြီ.....
"ဟိုကိုယ်တော်" နဲ ့နောက်လိုက်တွေ ဟဲသလို
"မိုက်" ကိုင်ပြီးကမ္ဘာပါတ် "ဆဲ" လို ့ရပြီ.........။

(၄)
"ဘာ"...
"ပညာရေး" ..... ဟုတ်လား..............
မဟုတ်မတရား နဲ ့
ကျုပ် သားသမီးတွေ ကောင်းစားနေတဲ့ ဘဝမှာ
"ကျောင်းသားသမဂ္ဂ" ဆိုတာ မလိုဖူး
သူတောင်းစား တွေ "သမ္မတ" ဖြစ်တော့ ဘာအရေးလဲ
"လက်ကိုင်ဒုတ်" တွေ လို တွေးစမ်းပါ ........။

(၅)
"ဘာ" ...
"အမှုတွေ" များစွာရှိ.... ဟုတ်လား.....
လိမ်ထားတာ "လူမိ"
အကုသိုလ် တွေ ပိနေတာ
လူတွေ သိကုန်ပြီ ဟုတ်လား.....
ရှေ ့ကလူတွေ လုပ်သွားတာ ကြည့်နော်
"ဒုတ်၊ဓါးကိုင်" "လက်ပါတ်နီ" ကလေကဝ ရှိတယ်
အရှုတ်များ ထိုင် တဲ့ "မဘသ" ရှိတယ်
ရရာ တစ်ခု သာ ပြေးခိုလိုက်
"သဖန်းသီးတွေ" အလိုကျ
"ဝံသာနုရက္ခိတ" ကိုယ်တော်ဖြစ်ကာ
အလို "မတော်မရာ" တွေး ဟောပြောဖြစ်ရင် လာမဲ့ ရွေးကောက်ပွဲ အသစ် မှာ
မင်း "သမ္မတ" တောင်ဖြစ်နိုင်သးတယ် ......။

(၆)
"ဘာ"...
"ခိုးထားတာ" လူမိလို ့
"တာဝန်" ရှိသူတွေ သိကုန်တယ် .... ဟုတ်လား..........
နှုတ်စကား နဲ ့ "ဘုရား" ထူးလိုက်
ခိုးစားဖူးတဲ့ "လူမိုက်" အချင်းချင်း
ရူးချင်ယောင် ဆောင်နေတဲ ့" ဒီခံတွင်းတွေထဲ"
"မင်းကလဲ" ..သိသားနဲ ့
"အတင်းဖြဲ" ထဲ့ စရာမလိုပါဖူး .......။



-----------------------------------------------------------------------

(၇)
"ဘာ" ...
"လူအရိုအသေ" မခံရလို ့
ဘယ်လို ကြံရမှန်း မသိဖြစ်နေတယ် .. ဟုတ်လား.....
လူတွေ :သနား" တာခံရဖို ့
နယ်ခြားက လမ်းမထဲ
ချိန်ကိ်ုက်" ဗုံး ခွဲလိုက်"
လူမွဲ တစ်သိုက်သေတဲ့ အခါ
"ရေတစ်ခွက်" ကိုင်ကာ မျက်ရည်စကျပြလို ့
ရသမျှ "အလှူခံကြ" .................။

(၈)
"ဘာ" ….. ရာဇဝင်ရိုင်းတယ် …ဟုတ်လား……

"ဘာ" ....
ရာဇဝင်ရိုင်းတယ် ...ဟုတ်လား.......။

ရဲနောင် (မြန်မာပြည်)
(၁၇ ဧပြီ ၂၀၁၅၊ မြန်မာနှစ်သစ် ကြို ကဗျာစာစု)





-----------------------------------------------------------------------------------

မြန်မာ့ နိုင်ငံရေးအခြေအနေနှင့်ယှဉ်တွဲ သုံးသပ်လေ့လာနိုင်ပါရန် ဖော်ပြပေးလိုက်ခြင်း ဖြစ်ပါ သည်။
ဟစ်တိုင်သည် အမှန်တရား လိုလားသူများနှင့် အများအကျိုး ဆောင်ရွက်လိုသူများအားလုံး ပိုင်သည့် ကိုယ်ထူကိုယ်ထ-စာမျက်နှာ ဖြစ်ပါသည်။

ဟစ်တိုင်သည် လွတ်လပ်မျှတသော စာမျက်နှာ ဖြစ်ပါ၍ တုန် ့ပြန် ဆောင်းပါး ရေးသား ပေးပို ့ လာပါက ပြန်လည် ဖော်ပြ ပေးပါမည်။
ရိုင်းစိုင်းမှု၊ ပုတ်ခတ်မှုများ ရှောင်၍ ဒေါသ ကင်းစွာ။ ရိုးသားစွာဖြင့် မိမိ အယူအဆများကို စာဖတ်သူများ နိုင်ငံရေးအသိ ပညာ တိုးပွါးပြီး ဆင်ခြင် တွေးတော နိုင်ကြစေရန် ပေးပို့နိုင်ပါသည်။
မိုက်ရိုင်းခွင့်၊ ဆဲဆိုခွင့် မရှိပါ။

မြန်မာနိ်ုင်ငံ ဒီမိုကရေစီရရှိရေးနှင့် မြန်မာတို ့ သုတ၊ရသ တိုးပွါးစေမည့် ကဗျာ၊ ဆောင်းပါး နှင့် သုတ၊ရသ-စာပေ အမျိုးမျိုး တို့ ကိုလည်း ဆက်လက ်ပေးပို ့နိုင်ပါသည်။

စစ်အာဏာရှင်များကို ဆန့်ကျင်သည့် သဘောထားတခုတည်းကိုသာ တင်ဆက်သော၊ ဒီမိုလိုလား အတိုက်အခံ များ၏ မတူကွဲပြားသည့် အမြင်များကို မတင်ဆက်သော တခြားဆိုဒ်များကဲ့သို့ - ဟစ်တိုင် မကျင့်သုံးပါကြောင်း သိစေလိုပါသည်။

ဟစ်တိုင်သည် ဒီမို-လိုလားသူများ၏ မတူကွဲပြားသည့် အမြင်သဘောထားများကို စုစည်း တင်ဆက်ပေးနေပါသည်။

လူယဉ်ကျေး စာမူရှင်များကို အစဉ်လေးစားလျှက်--
အမှန်တရား မြတ်နိုးသူတိုင်း ဟစ်တိုင်ကို အားပေးမည်ဟု ယုံကြည်လျှက်ဖြင့်
အမှန်သစ္စာတရား ဘက်တော်သား-ဟစ်တိုင် ဝိုင်းတော်သားများ ့
ပြည်ပရောက် မြန်မာ့နိုင်ငံရေး အကျဉ်သားဟောင်းများအဖွဲ့၏ သတင်းမီဒီယာ ,
www.hittai.org