သင်္ကြန်တွင်းမှာ....

Zawwin Hlaing(13 April 15)




-------------------------------------------------------------------------




-------------------------------------------------------------------------


သင်္ကြန်တွင်းမှာ....
--------------------
တန်ခူးလေ..
တန်ခူးရေ..
ပိတောက်ရနံ့ နဲ့
တူးပို့ သံတွေက
ခန္ဓာကိုယ်အတွင်းရှိ
သင်္ကြန်ပိုးအပေါင်းတို့သည်
ပျော်ရွှင်မြူးတူးစွာ
ပေါက်ဖွားလာလေတော့၏....။

အပျိုပိန်ပိန် ရေစိမ်ပက်တော့...
အီကြာကွေး အီကြာကွေး....။

အပျိုဝဝ ရေစိမ်ပက်တော့...
ပေါင်မုန့်ကြီး ပေါင်မုန့်ကြီး.....။

ပိုက်စုတ်လေးနဲ့ ပက်တာလောက်တော့
ရီတာပေါ့ ရီတာပေါ့....။

အားလုံးပျော်ရွှင်ကြည်နူးကြပါစေ.....။

Zawwin Hlaing





-------------------------------------------------------------------------


ငုဝါတွေပွင့်တိုင်း ငိုပါရစေ
--------------------
တခူးရဲ ့အငွေ ့အသက်က
ကိုယ့်ကို တံခါးလာခေါက်တယ်
လေပြေလေညှင်းတွေ မတိုက်ခတ်တော့သည့်နောက်ပိုင်း
မြို ့မငြိမ်းသီချင်းတွေလည်း ကိုယ့်အတွက်ဖြစ်မလာခဲ့တော့ဘူး

ဆုတောင်းခြင်းတွေ ပျောက်ဆုံးခဲ့တော့
ပိတောက်တွေလည်း တပွင့်ချင်းနွမ်းတယ်
ငုတွေလည်း တစ်ခိုင်ချင်း ကျွမ်းတယ်
လှတာထက်ပိုပြီး ပွင့်ချင်ခဲ့တာကိုက အစောဆုံး လွမ်းဖို ့ဖြစ်လာခဲ့တယ်.....

စိတ်တွေလည်း အေးခဲ့နေလိုက်တာ
ဝင်သက်ထွက်သက်မှာတောင်
မြေသင်းရနံ ့မပါနိုင်တော့
ပြန်မလာနိုင်တော့တဲ့ ရာသီအစောဆုံးမှာ
ငါတစ်ယောက်တည်း နေခဲ့ပါရစေ

ဘာလို ့များ အိပ်မက်တွေပေးဖို ့
ပွင့်လာခဲ့ရတာလည်း ငုဝါတွေရယ်
သောကတွေတလိမ့်လိမ့်တက်
မျက်ရည်ပေါက်များစွာက ဟိုးဒေါနတောင်တန်းကြီးပေါ်မှာ

မနှစ်ကလိုပါပဲ
သင်္ကြန်စာတွေဖတ်ပြီး
သကြားမင်းကို တိုင်ကြားရအုံးမယ်
လွှင့်တပ်ထားတဲ့ အသံချဲ ့စက်ကြီးထဲမှာ
မြို ့မငြိမ်းနဲ ့ဒီဂျေက ရော
ကိုယ်ကိုတိုင် ဟန်မဆောင်နိုင်တဲ့အခါ
ဒီတခူးမှာ ငုတွေနဲ ့အပြိုင်ငိုလိုက်ကြရုံပေါ့.။

ကဗျာရိပ်



-------------------------------------------------------------------------


“မိခင့်လက်ဆောင်”
--------------------
ပိတောက်တစ်ပွင့်
မိခင့်လက်ဆောင်ပါ ။

ဘယ်နိုင်ငံရောက်ရောက်
ပိတောက်ရနံ ့ကလေးက
သင်းပျံ ့နေဆဲပါ ။

ဒီရနံ ့မပျောက်
ပိတောက်အလွမ်းရှိနေသေးသမျှ
ကိုယ့်သွေး ကိုယ့်သားစိတ်
ကိုယ့်အတိတ်ကို ဘယ်မမေ့
အငွေ ့အသက်တလှိုင်လှိုင်
ကိုယ့်နိုင်ငံရဲ့သားအစစ်ပါ ။

မြတ်မိခင်ရဲ့လက်ဆောင်
အဝါရောင်ပိတောက်ပန်းကလေးကတော့
ရောက်လေရာ ကိုယ့်အိပ်ခန်းကလေးမှာ
လန်းမြဲလန်းနေမှာပါ ။

ရေခြားမြေခြား
ဘယ်ကိုပဲသွားသွား
သွေးသားထဲက ပိတောက်ရနံ ့ကတော့
သွေးသန် ့အောင် မွှေး
ကျေးဇူးပြုနေဦးမှာ အမှန်ပါ ။ ။

တင်မိုး

++++



-------------------------------------------------------------------------


“ပိတောက်တရားနှင့်အတူ”
--------------------
နွေတန်ခူးမှာ
ဖူးလာပိတောက် ...။

မိုးစက်ကို မျှော်ရည်မှန်း ကမ်းလင့်ကြိုထောက်...။

မျှော်ဆဲမျှော်နေ
ရွှေမိုးကဝေး...။

သို ့လည်းလေ နွေနေအောက်
ပိတောက်က မွှေး...။

ဥသြသံချို
ဆိုတေးသီဖွဲ ့...။

အတာနွေ အတာလမ်းမှာ
အဝါရည် အဝါပန်းတို ့
လွှမ်းခြုံပြန်ခဲ့...။

နွေထဲမှာဝေ
အနေရဲပါဘိ...။

ပွားစီးကာ သူ ့တရား
ခံစားယူကြည့်...။

ဘဝလမ်းနွေ
စမ်းရေလည်း ပျောက်ချင်ပျောက်
ပန်းတွေလည်း ပျောက်ချင်ပျောက်
ပိတောက်လို သတ္တိထူးနဲ ့
ဆူးဖြတ်ကာလျှောက်...။ ။

မောင်နီမှိုင်း (ကျောက်တန်း)





-------------------------------------------------------------------------


မြန်မာ့ နိုင်ငံရေးအခြေအနေနှင့်ယှဉ်တွဲ သုံးသပ်လေ့လာနိုင်ပါရန် ဖော်ပြပေးလိုက်ခြင်း ဖြစ်ပါ သည်။
ဟစ်တိုင်သည် အမှန်တရား လိုလားသူများနှင့် အများအကျိုး ဆောင်ရွက်လိုသူများအားလုံး ပိုင်သည့် ကိုယ်ထူကိုယ်ထ-စာမျက်နှာ ဖြစ်ပါသည်။

ဟစ်တိုင်သည် လွတ်လပ်မျှတသော စာမျက်နှာ ဖြစ်ပါ၍ တုန် ့ပြန် ဆောင်းပါး ရေးသား ပေးပို ့ လာပါက ပြန်လည် ဖော်ပြ ပေးပါမည်။
ရိုင်းစိုင်းမှု၊ ပုတ်ခတ်မှုများ ရှောင်၍ ဒေါသ ကင်းစွာ။ ရိုးသားစွာဖြင့် မိမိ အယူအဆများကို စာဖတ်သူများ နိုင်ငံရေးအသိ ပညာ တိုးပွါးပြီး ဆင်ခြင် တွေးတော နိုင်ကြစေရန် ပေးပို့နိုင်ပါသည်။
မိုက်ရိုင်းခွင့်၊ ဆဲဆိုခွင့် မရှိပါ။

မြန်မာနိ်ုင်ငံ ဒီမိုကရေစီရရှိရေးနှင့် မြန်မာတို ့ သုတ၊ရသ တိုးပွါးစေမည့် ကဗျာ၊ ဆောင်းပါး နှင့် သုတ၊ရသ-စာပေ အမျိုးမျိုး တို့ ကိုလည်း ဆက်လက ်ပေးပို ့နိုင်ပါသည်။

စစ်အာဏာရှင်များကို ဆန့်ကျင်သည့် သဘောထားတခုတည်းကိုသာ တင်ဆက်သော၊ ဒီမိုလိုလား အတိုက်အခံ များ၏ မတူကွဲပြားသည့် အမြင်များကို မတင်ဆက်သော တခြားဆိုဒ်များကဲ့သို့ - ဟစ်တိုင် မကျင့်သုံးပါကြောင်း သိစေလိုပါသည်။

ဟစ်တိုင်သည် ဒီမို-လိုလားသူများ၏ မတူကွဲပြားသည့် အမြင်သဘောထားများကို စုစည်း တင်ဆက်ပေးနေပါသည်။

လူယဉ်ကျေး စာမူရှင်များကို အစဉ်လေးစားလျှက်--
အမှန်တရား မြတ်နိုးသူတိုင်း ဟစ်တိုင်ကို အားပေးမည်ဟု ယုံကြည်လျှက်ဖြင့်
အမှန်သစ္စာတရား ဘက်တော်သား-ဟစ်တိုင် ဝိုင်းတော်သားများ ့
ပြည်ပရောက် မြန်မာ့နိုင်ငံရေး အကျဉ်သားဟောင်းများအဖွဲ့၏ သတင်းမီဒီယာ ,
www.hittai.org